Vinveliyil Ulaa

 

செளரோனின் விழி அண்டம்  (EWye of Sauron) 

  NGC 4151  செளரோனின் விழி அண்டம்

 கணையாழிகளின் கடவுளில்  (LOr of rings) வரும் செளரோன்  என்ற கதாபாத்திரத்தின் கொடூரமான விழி போல இருந்தததால் இவ்வண்டத்தை செளரோனின் விழி அண்டம் என்றே அழைக்கின்றார்கள்.. NGC 4151  என்று வரைபடத் தொகுப்பில் குறிப்பிடப்படுகின்ற இவ்வண்டம் 62 மில்லியன் ஒளியாண்டுகள் (19 Mpc) தொலைவில் கானஸ் வெனாட்சி (Canes Venatici) என்ற விண்மீன் வட்டாரத் தொகுப்பில் அமைந்துள்ளது. இது இடைநிலையில் உள்ள ஒரு சுருள்புய செய் பெர்ட்  அண்டமாகும் .  1787 ம் ஆண்டில் வில்லியம் ஹெர் சல் என்பாரால் கண்டு பிடிக்கப் பட்ட  இதன் உட்புற புயம் மிகவும் நலிவடைந்து காணப்படுகின்றது

செளரோன் கண்ணின் கண்மணிப் பகுதியில் காணப்படும் நீல நிறம் எக்ஸ் கதிர்களை உமிழும் அயனிக்கப்பட்ட ஹைட்ரஜன் வளிமத்தையும் செந்நிறம் இயற்கை ஹைட்ரஜன் வளிமத்தையும் குறிப்பிடுகின்றது இந்த இயற்கை ஹைட்ரஜன் NGC 4151 அண்ட மையத்தின் கட்டமைப்பில் ஒரு முக்கியப் பங்கு வகிக்கின்றது . இது அண்டத்தின் பிற பகுதிகளுடன் மேற்கொள்ளும் ஈர்ப்பு வினையால் சீர்குலைந்து போயிருக்கின்றது . இதன் விளைவாக புறவெளியிலிருந்து வளிமங்களும் தூசுகளும் இந்த அண்டத்தின் மையத்தை நோக்கி விரைந்து வந்து உட்பகுதியில் விழுகின்றன. அப்போது அணுக்களில் உள்ள எலெக்ட்ரான்கள் நீக்கப்பட்டு அயனிக்கப்பட்டுவிடுகின்றன. இப்பகுதியில் காணப்படும் மஞ்சள் நிறக் கொப்பளங்கள் , அப்பகுதியில் புதிதாக உருவாகும் விண்மீன்களைக்  குறிப்பிடுகின்றது. இந்த அண்டத்தின் மையத்திலிருந்து செறிவுள்ள எக்ஸ் கதிர் உமிழப்படுகின்றது என்பதை அதன் நிறமாலை தெரிவித்துள்ளது. .அண்டத்தின் மையத்தில் உள்ள  நிறைமிக்க கருந்துளை விண்மீனால் தூண்டப்பட்டு வெடித்துச் சிதறும் விண்மீன்களால் எக்ஸ் கதிர் உமிழ்வு  இருக்கலாம் என்று கூறுகின்றார்கள். ஹைட்ரஜன் அயனி எலெக்ட்ரானை உட்கவரும்போது  எக்ஸ் கதிர்கள் உமிழப்படுகின்றது.  

      செளரோனின் விழி அண்டம் விண்வெளியில் உள்ள அண்டங்களின் தொலைவைக் கண்டறிய ஒரு புதிய வழிமுறையைக் காட்டியுள்ளது. பூமியிலிருந்து தொலைவிலுள்ள ஒரு பொருளின் உருவ அளவை அதன் தோற்ற மற்றும் கோண வடிவியலைக் கொண்டு      மதிப்பிடும் நில அளவீட்டாளர் பின்பற்றும் வழிமுறையை இது பெரிதும் ஓத்திருக்கின்றது .           

பல மில்லியன் ஒளியாண்டுகள் தொலைவில் இருக்கும் அண்டங்களின் தொலைவையும் , மையக் கருவாக உள்ள கருந்துளை விண்மீனின் நிறையையும் 90 சதவீதம் திருத்தமாக அளவிட்டறிய இது பயனுள்ளதாக இருக்கின்றது. .இதனால் ஏற்கனவே மதிப்பிடப்பட்ட புள்ளிவிவரங்கள் சரிநுட்பமாகத்  திருத்தப்பட்டன.. இது தொடர்ந்து விரிவடைந்து கொண்டேயிருக்கும் பேரண்டத்தைப் பற்றிக் கூடுதல் விவரங்களைத் தெரிவிக்கின்றது

vinveliyil ulaa

 

சோம்ரிரோ அண்டம் (Sonbrero Galaxy) 

 மெசியரின் ஒளிப்படத் தொகுப்பில் M 51என்றும்NGC 4594 என்றும் குறிப்பிடப்படுகின்ற அண்டம் இவ்வகையானதாகும் . இது தனிச்  சிறப்பான தோற்றம் கொண்டிருக்கின்றது. வழக்கத்திற்கு மாறாக பருத்த, பெரிதும் வீங்கிய உள்ளகத்துடன்  இது ஒரு மாபெரும் சுருள்புய அண்டமாக இருந்தாலும் செறிவு மிக்க பல நூற்றுக்கணக்கான கோளகக் கொத்து விண்மீன் கூட்டங்களையும், தெளிவாகவும், அழுத்தமாகவும் கண்ணுக்குப் புலப்படுகின்ற இருள் வரிப் பட்டையையும் கொண்டுள்ளது. இது கண்காணப் பொருள்(Dark matter) காரணமாக அப்படித் தோற்றம் தருவதாகக் கூறுகின்றார்கள். இதனால் இந்த அண்டம் மெக்சிகோ நாட்டினர் அணியும் ஒரு வகையான தொப்பி போலக்காட்சி தருகின்றது. 1781 ல் பியரி மக்கெயின்(Pierre Mechain) என்பார் ஏறக்குறைய 50 மில்லியன் ஒளியாண்டுகளுக்கு அப்பால்  உள்ள இவ்வண்டத்தைக் கண்டறிந்தார் . அண்டங்கள் தற்சுழல்வதை முதன்முதலாக இந்த அண்டத்தைக் கொண்டே அறிந்தனர். அதிக அளவிலான செம்பெயர்ச்சி கொண்டிருப்பதையும் அப்போது அளவிட்டறிந்தனர். அண்மைக்  கால ஆய்வுகள் இந்த அண்டம் மிகப் பரந்து விரிந்த மங்கலான அண்ட வட்டத்தையும், மையத்தில் மீநிறையுள்ள கருந்துளை விண்மீனையும் கொண்டிருக்கலாம்  என்றும் அதன் அறிகுறியாக மிதமாகக் கிளர்ச்சியூட்டப்பட்ட கருவையும் கொண்டுள்ளது எனத் தெரிவித்துள்ளன.    

சோம்ரிரோ அண்டம் விர்கோ மற்றும் கோர்வஸ் (corvus) வட்டாரங்கள் எல்லையில் 32 மில்லியன் ஒளியாண்டுகளுக்கு அப்பால் ( 9.6 Mpc) உள்ளது. இதன் உருவ அளவு நமது பால் வழி மண்டத்தில் 10 ல் 3 பங்கு தான்.. இதன் அண்டக் கருவில் சுமார்  2000 கோளகக் கொத்து விண்மீன் கூட்டங்கள் இருக்கலாம் என மதிப்பிட்டுள்ளார்கள். இக்கொத்து  விண்மீன் கூட்டங்கள் ஏறக்குறைய 10-13 பில்லியன் ஆண்டுகள் பழமையானவை  இது பால்வழி மண்டலத்தில் காணப்படும் கோளகக் கொத்து விண்மீன்  கூட்டங்களை விட 10 மடங்காகும் இந்த அண்டத்தின் மையத்தில் மீனிறைமிக்க கருந்துளை இருப்பதை அறிந்துள்ளனர். இதனருகில் இருக்கும் விண்மீன்களின் இயக்கங்களை அளவிட்டறிந்து கருந்துளையின் நிறை  நமது சூரியனைப்போல 10⁹ மடங்கு என மதிப்பிட்டுள்ளனர். இதன் செம்பெயர்ச்சியை அளவிடறிந்து இந்த அண்டம் நம்மை விட்டு விலகிச் செல்கின்றது என்பதை உறுதிசெய்தனர் .. பேரண்டம் விரிவடைகிறது என்ற உண்மை தெரிய வந்தது இதன் மூலம்தான்

 

இதில் ஒரு மங்கலான பட்டை அண்டத்தின் எல்லைவரை பரவியிருக்கிறது. இதில் முக்கியமாக  குளிர்ச்சியான ஹைட்ரஜனும் தூசுகளும் உள்ளன.. இது புதிய விண்மீன்கள் உருவாவதற்கு அனுகூலமான பகுதியாக இருக்கின்றது என்று சிலரும் , இதன் கருவில் புதிய விண்மீன்கள் உருவாவதற்கு அதிக வாய்ப்பில்லை என்று வேறு சிலரும் கூறுகின்றார்கள்

vinveliyil ulaa

 

. நெருப்பு வளைய அண்டம் (Ring of fire Galaxy) 

      ஆஸ்திரேலிய நாட்டைச் சேர்ந்த விண்வெளி  ஆராச்சியாளர்கள் குழு ஒரு புதிய வகையான அண்டத்தைக் கண்டறிந்தனர். R 5519 என்று குறிப்பிடப்படுகின்ற இது 10,8  பில்லியன் ஒளியாண்டுகளுக்கு அப்பால்  விண்வெளியில் ஒரு நெருப்பு வளையம்போலக்  காட்சியளித்தது . இதை டைட்டானிக் வடை (titanic donut)  என்றும் கூறுவார்கள். இது ஏறக்குறைய பால்வழி மண்டலத்தைப் போல நிறைகொண்டுள்ளது முதன்முதலாக ஓர் அண்டம் எப்படி உருவானது என்பதற்கான விளக்கத்தில்  இது மாற்றங்களை ஏற்படுத்தியது. R 5519 மீனிறை மிக்கது.. இதில் காணப்படும் மோதிரம் போன்ற வளையtத்தின் விட்டம் பூமிக்கும் சூரியனுக்கும் இடைப்பட்ட தொலைவைப் போல   2 பில்லியன் மடங்கு. பேரண்டம் தோன்றிய தொடக்க காலத்தில் இந்த வளையம் இருவேறு அண்டங்களின்  மோதலுக்குப் பிறகு புதிய அண்டமாக உருவாகியிருக்கவேண்டும் என்று ஆராய்ச்சியாளர்கள் கருதுகின்றார்கள்