கூடியாக்கி உண்ணுதல் /படைப்பு
படைப்பு செய்பவர்கள் அன்று காலை விதைப்பு நெல் கொடுப்பார்கள்.
ஒரு மரக்கால் விதைப்பு நெல்லை பையில் வைத்துக் கட்டி ஊர்க் கோயில்களில் அல்லது வேளாளர்களிடம்
கொடுப்பார்கள். அதைப் பெற்றுக்கொண்டவர்கள் திருநீறு கொடுப்பார்கள் .அதைப் படைப்பு வீட்டில்
பயன்படுத்திக்கொள்ளவேண்டும்.
கல்யாணம் பேசி முடித்துக்கொள்ளுதல் (நிச்சியதார்த்தம்)
விரலி மஞ்சள் -100 கிராம் பாக்கெட்
வெற்றிலை
-1 கவுளி
பாக்கு
300 கிராம்
கல்கண்டு
-300 கிராம்
ரஸ்தாளி
அல்லது செவ்வாழை வாழைப்பழம் சீப்பு -5
ஆரஞ்சு
-5
ஆப்பிள்
-5
தேங்காய்
-5
எலுமிச்சம்
பழம் -5
குங்குமம்
டப்பா
சந்தனம்
மல்லிகைப்பூ
சரம் 10 முழம்
பழம் மற்றும் தேங்காய்கள் எண்ணிக்கையை ஒற்றைப்படையில் 7,11,21 என்றும் இரட்டைப்படையில் 16 என்றும் கொண்டு செல்லலாம் .இது அவரவர் விருப்பதைப் பொறுத்தது. இப்பொருட்களைக் கொண்டுவந்து வளவுப் பத்தியில் அல்லது திருமண அறையில் பரப்பி வைக்கவேண்டும்
பின்னர் பங்காளிகளில் ஒருவர் இன்னார் வீட்டு மாப்பிள்ளைக்கு இன்னார் வீட்டுப் பெண்ணைத் திருமணம் செய்ய பெரியோர்களால் நிச்சியக்கப்பட்டதாகவும் அதற்கு இருவீட்டாரும் இன்னன்ன முறைகளைச் செய்வது என்றும் இரண்டு நோட்டுப் புத்தகத்தில் தெளிவாக எழுதி நோட்டுப் புத்தகத்தின் அட்டை மற்றும் முதல் பக்கத்தில் கீழிருந்து மேலாக மஞ்சள் தடவ வேண்டும்.அதன் பின்னர் அதில் எழுதப்பட்ட வாசகத்தை சங்கு ஊதி எல்லோர் முன்னிலையிலும் படிக்கவேண்டும் ஒரு தாம்பாளத்தில் வெற்றிலை பாக்கு, பூ, மஞ்சள், இரண்டு எலுமிச்சம் பழம் .வைத்து எழுதப்பட்ட இரு நோட்டுப் புத்தகங்களையும் வைத்து ஒருவருக்கொருவர் பரிமாறிக்கொள்வார்கள் . முதலில் பெண்ணின் தகப்பனார் மாப்பிள்ளையின் தகப்பனாருக்கும் பின்னர் ,மாப்பிள்ளையின் தகப்பனார் பெண்ணின் தகப்பனாருக்கும் கொடுத்துப் பின்னர் திருமண அறையில் வைத்து கும்பிட்டு ஒவ்வொருவரும் ஆளுக்கு ஒரு பிரதி எடுத்துக்கொள்ளவேண்டும் . இதில் மாப்பிள்ளையின் தகப்பனாருக்குப் பதிலாக குடும்பத்தின் பெரியவர் கலந்து கொண்டால் , அவர் வாங்கிக்கொண்ட திருமண ஒப்பந்த நோட்டுப் புத்தகத்தின் பிரதியை கிழக்கு முகமாக இருந்து கொண்டு மாப்பிள்ளையின் தகப்பனாரிடமும் ,பெண்ணின் தகப்பனாருக்குப் பதிலாக அவர்கள் குடும்பத்தின் பெரியவரொருவர் கலந்து கொண்டால் அவர்களும் அவர்களுடைய திருமண ஒப்பந்த நகலை கிழக்கு முகமாக இருந்து கொண்டு பெண்ணின் தகப்பனாரிடமும் வழங்கவேண்டும். மாப்பிள்ளையின் தகப்பனாரும் ,பெண்ணின் தகப்பனாரும் பெரியவர்களை விழுந்து கும்பிட்டு திருமண ஒப்பந்த நகலைப் பெற்றுக்கொள்ளவேண்டும் . இதன் மூலம் பேசிமுடித்துக் கொள்ளுதல் முடிவிற்கு வருகின்றது . பின்னர் மத்திய விருந்து அல்லது சிற்றுண்டி நடைபெறும் .மாப்பிள்ளை வீட்டார் பெண் வீட்டார்களிடம் சொல்லிக்கொண்டு செல்லும் போது அவர்களைக் கௌரவிப்பதற்காக இரண்டு 10 " எவர்சில்வர் வாளியில் பழங்களில் வீதத்திற்கு 2 வீதம் வைத்து மற்றும் வெற்றிலை, பாக்கு மற்றும் பணம் வைத்து ஒன்றைப் மாப்பிள்ளையின் தகப்பனாருக்கும் மற்றொன்றை மாப்பிள்ளையின் தாயாருக்கும் கொடுப்பரார்கள்
கோயிலில் பாக்குவைத்து திருமணத்தைப் பதிவு செய்தல்
இந்த திருமணத்தை ஒப்புக்கொண்டு கோயில் புள்ளியாகச் சேர்த்துக்கொண்டதற்கு அறிகுறியாக திருமணத்திற்கு முதல்நாள் இரண்டு கோயில்களிலிருந்தும் கோயில் பணியாட்கள் மூலம் மாலை விபூதிப் பிரசாதம் போன்றவற்றை அனுப்பி வைப்பார்கள் இதைப்
பெண்கள் சங்கு ஊதி வாங்கி சுவாமி அறையில் வைத்து திருமண நாளன்று பயன்படுத்த வேண்டும்.
கோயில் மாலை என்பது முக்கியமானது .ஏனெனில் நகரக் கோயில் களிருந்து இவ்வாறு மாலை வந்தால் மட்டுமே அந்தத் திருமணம் நகரத்தார் சமூகத்தால் ஒப்புக்கொள்ளப்படும் மேலும் மணமக்கள் நகரத்தார்களால் ஏற்றுக் கொள்ளப் பட்ட ஒரு புள்ளியாக அங்கீகரிக்கப்படுவார்கள் .கோயில் மாலை கொண்டுவரும் பணியாள் மூலம் கோயில் அலுவலகம் கொடுத்திருக்கும் குறிப்புப்படி அவருக்கு கொடுக்கவேண்டிய தொகை யைக் கொடுத்து அனுப்பிவைக்கவேண்டும்.
மாப்பிள்ளை வீட்டாருக்கு கோயிலிலிருந்து வரும் இரு மாலைகளில் ஒன்றை மாப்பிள்ளை, மாப்பிள்ளை அழைப்பிற்கு முன்னர் அணிந்து கொள்ளவேண்டும் .மற்றொரு மாலையைத் திருப்பூட்டுத் தட்டில் வைத்து மாப்பிள்ளையின் தாயார் மாப்பிள்ளை அழைப்பின் போது பெண் வீட்டிற்கு கொண்டு சென்று திருப்பூட்டு வதற்கு முன்னர்
மாப்பிள்ளை மூலம் மணப்பெண்னின் கழுத்தில் கோயில் மாலையை முதலாவதாக அணிவிக்க வேண்டும்.
பெண் வீட்டாருக்கு வரும் இரு கோயில் மாலைகளுள் ஒன்றை திருமணத்தன்று
காலையில் பெண் அணிந்து கொண்டு பகவணம் செய்து கொள்வார் ,மற்றொன்றை அரசாணிக் காலில் கட்டிவிடுவார்கள்.
இரணிக்கோயிலாரும்
பிள்ளையார்பட்டி கோயிலாரும் இளையாற்றங்குடி கோயிலிருந்து பிரிந்து வந்ததினால் இவ்விருவரும்
இளையாற்றங்குடி கோயிலில் பாகு வைத்த பின்னர் தான் தங்கள் தங்கள்கோயில்களில் பாக்கு
வைத்து திருமணத்தைப் பதிவு செய்யவேண்டும்
முகூர்த்தக் கால் ஊன்றுதல்
திருமணத்திற்கு முன் ஒரு நல்ல நாளில் இரு வீட்டிலும் வளவு வாசலில் ஈசானிய மூலையாகிய வடகிழக்கு மூலையில் கொட்டகைக்காரரைக் கொண்டு முகூர்த்தக் கால் ஊன்றவேண்டும் .ஒரு நீண்ட மூங்கில் கம்பில் மஞ்சள் தடவி குங்குமப் பொட்டு வைத்து அதன் உச்சியில் மாவிலைக் கொப்பு வைத்து செங்குத்தாக ஊன்றிக் கட்டிவைப்பார்கள்.அதுவே முகூர்த்தக் காலாகும். இந்த நிகழ்வு பெரும்பாலும் திருமணத்திற்கு ஒரு வாரம் முன்னதாக நிகழுமாறு பார்த்துக்கொள்வார்கள் அதற்கு நெய்பவளம் வைத்து உறவினர்கள் பால் ஊற்றுவார்கள்-பின்னர் அதற்குத் தேங்காய் உடைத்து கற்பூரதீபம் காட்டி வீட்டுக்காரர்கள் விபூதி பூசிக்கொள்ளவேண்டும்..அதற்கு கொட்ட.கைக்காரருக்குத் தட்டில் வெற்றிலை பாக்குடன் பணம் வைத்துக் கொடுப்பார்கள் . மழைக்காலமாக இருந்து மழை வரும்போல் இருந்தால் ஒரு தேங்காயை மஞ்சள் தடவி பொட்டு வைத்து ஒரு வெள்ளைத் துணியில் கட்டி முகூர்த்தக் காலின் உச்சியில் கட்டித் தொங்கவிடுவார்கள். இதன் பிறகு புதுமண த் தம்பதியருக்குக் காய்ச்சி ஊற்றும் வரை இருவீட்டாரும் தீட்டு நிகழ்ச்சிகளில் கலந்து கொள்ளக்கூடாது .என்ற மரபைப் பின்பற்றவேண்டும்
திருமண முன்னேற்பாடுகள்.
திருமணத்தை திருமண மண்டபங்களில் நடத்த வேண்டிய நிலை இருந்தால் முதலில் திருமண மண்டபத்தை முன்பணம் கட்டி உறுதிசெய்து கொள்ளவேண்டும். திருமண மண்டபத்தின் வசதிகளை அறிந்து கொண்டு தேவையான பிற வசதிகளை குறிப்பாக திருமண மேடை அலங்காரம் போன்றவற்றை திருமணத்திற்கு முதல்நாள் மேற்கொள்ளலாம்.
சில நகரத்தார்கள் தங்கள் வீடுகளை கலியாணத்திற்கு வாடகைக்கு விடுகின்றார்கள் . கொஞ்சம் வசதிக் குறைவுதான் என்றாலும் செலவும் கணிசமாகக் குறைவுதான். அடுத்து திருமண விருந்திற்கு சமையல் மேஸ்திரியை அழைத்து முறைப்படி உறுதிப் படுத்திக் கொள்ளவேண்டும் . பின்னொரு நாளில் மேஸ்திரியை வரவழைத்து விருந்தினர்களின் எண்ணிக்கை ,விருந்தின் அட்டவணை போன்றவற்றைக் கருத்திற்கொண்டு எல்லாருடனும் கலந்து செலவினங்களை முடிவு செய்துகொள்ள வேண்டும். தீஞ் சாமான்கள் மற்றும் காய்கறிகளை வாங்கிக்கொடுத்தோ அல்லது
அவற்றை சமையல் மேஸ்திரியே வாங்கியோ திருமண
விருந்தை ஏற்பாடு செய்து அதற்கான செலவுகளை முன் திட்டமிட்டுக்கொள்ளலாம் .இன்றைக்கு திருமண விருந்தை சில மெஸ் உரிமையாளர்கள்
வழங்குகின்றார்க்ள் . விசாரித்து நல்ல சுவையான விருந்து கொடுக்கக்கூடிய மெஸ் உரிமையாளரை
நாம் தேர்வு செய்யவேண்டும்.
பொதுவாக நகரத்தார்கள் பெண் பிள்ளை பெற்றெடுத்த முதல்நாளிலிருந்தே அவர்களுடைய திருமணத்திற்கான சீர்வரிசைக்கான சாமான்களையும் நகைகளையும் சேமிக்க த் தொடங்கிவிடுவார்கள் .எனினும் தகுதிக்கு ஏற்றார் போல கூடுதல் நகைகள் கொடுக்க வேண்டியிருந்தால் அந்த நகைகளைச் செய்ய முன்கூட்டியே ஏற்பாடுசெய்ய வேண்டும்.எதிரி வீட்டாருக்கும் ,உறவினர்களுக்கும் முறைக்குக் கொடுப்பதற்கான சாமான்களை வாங்கி வைத்துக்கொள்ள வேண்டும் .திருமணத் தம்பதிகளை வாழ்த்தியவர்களுக்கு வழங்கப்படும் அன்பளிப்புப் பைக்கு ஏற்பாடு செய்துகொள்ளவேண்டும் .
மணமகளுக்கு மாப்பிள்ளை வீட்டார் திருமணத்தின் போது கொடுக்க வேண்டிய நகைகளையும் சீர்வரிசைச் சாமான்களையும் வாங்கிவைத்துக்கொள்ளவேண்டும்.பட்டுச் சேலைகள்,சுடிதார் ,நைட் டி மற்றும் பிற உள்ளாடைகள் வாங்க ஒரு இணக்கமான நாளில் மணப்பெண்ணோடு துணிக்கடைகளுக்குச் சென்று மணப்பெண்ணின் விருப்பத்திற்கு ஏற்ப ஆடைகளை வாங்கலாம் .மாப்பிள்ளைக்கு பெண் வீட்டார் திருமணத்தின் போது கொடுக்கவேண்டிய கைக்கடிகாரம் ,தங்கச் சங்கிலி , கைச் சங்கிலி போன்றவற்றை வாங்க ஏற்பாடு செய்து கொள்ளவேண்டும். மாப்பிள்ளை வீட்டாரிடம் ஒரு குறிப்பிட்ட ரூபாயைக் கொடுத்து மாப்பிளைக்கான ஆடைகள் வாங்கிக் கொள்ள ச் செய்யலாம்
திருமணப் பத்திரிக்கை ,அதற்கான கவர் ,பேசி முடித்துக்கொள்ளும் விவரங்களைத் தெரிவிக்கும் அழைப்புக் கடிதம் இவற்றைப் பிழையின்றித் அச்சடிக்க ஏற்பாடு செய்ய வேண்டும் .உற்றார் உறவினர்களின் சரியான முகவரிகளைச் சேகரித்து அனைவருக்கும் திருமணத்திற்கு 1 மாதம் முன்பாக அவர்களுக்குக் கிடைக்குமாறு அனுப்பி வைக்க வேண்டும். முடிந்தால் அவர்களுக்கு அழைப்பிதழ் கிடைத்துவிட்டாத என்பதை தொலைபேசி மூலம் உறுதி செய்து கொள்ளவேண்டும் . தலைப் பிள்ளையாக இருந்தால் மாமவேவுக்கான பத்திரிக்கை அச்சடிக்க வேண்டும். இத அழைப்பை மாமக்கார உறவினர்களுக்கு கிடைக்க ஏற்பாடு செய்துகொள்ளவேண்டும். அவர்களுக்கு கொடுக்க வேண்டிய முறைச் சாமான்களை வாங்கி வைத்துக்கொள்ள வேண்டும். பொதுவாக உடன் பங்காளிகளுக்கு இந்த முறையை அழைப்பிதழ் கொடுக்கும்போதே கொடுத்துவிடுவார்கள். மேம்பங்காளிகளுக்கு திருமணத் தில் கலந்து கொண்டவர்களுக்கு மட்டுமே கொடுப்பார்கள். மாம வேவை திருமண நாளிலோ அல்லது அதற்கு முதல் நாளிலோ தோதுக்கு ஏற்றார் போல நடத்தலாம் .
