நியூட்டன் விதிகள்- அறிவியலா இல்லை அறிவுரையா ? 

                                                               - முனைவர் .மெ .மெய்யப்பன்

புறவிசையொன்று புரிதலின்றி எப்பொருளும் 

புறவெளியில்  நிலைமாற்றம் ஏற்பதில்லை

உரிமையுள்ள கல்வியின்றி எவரும் 

ஊனமில்லா மாற்றம் காண்பதில்லை   

ஓய்வு நிலையோ ஓடும் நிலையோ 

நிலைமாற  நிறையே தடையாகும்

வாழ்க்கையின் வளமோ வறமோ

தடம்மாற நின்மனமே காரணமாகும்

நியூட்டனின் முதல்விதி சொல்வது 

அறிவியலா இல்லை அறிவுரையா? 

 

விசையின்றி அசையாப் பொருட்களெல்லாம்  

வினையின்றி   ஓய்ந்திருக்கும் திறன் மறந்து  

செயலின்றிச் சிதறிய மனிதர்களெல்லாம்

பயனின்றி வாழ்வாரே சமுதாயநலன் துறந்து     

புறவிசையின்றி ஓடும் பொருட்களெல்லாம் 

புறத்தடையின்றி  புதுமாற்றமின்றி  இயங்கும்

ஓய்வின்றி உழைக்கும் மனிதர்களெல்லாம்

இவ்வுலகை  இயக்கும் இயந்திரங்களே

இயக்கமாற்றம் செய்கை இருக்குமட்டும்                                                                             

இதுவே இவ்விதி கூறும் பொருளாகும். 

இடப்பெயர்ச்சி வீதம் விரைவேகமாகும்

வேகப்பெயர்ச்சி வீதம்  முடுக்கமாகும்

தன்னார்வத்தின் வளர்ச்சி சுயமுயற்சியாகும்

முயற்சியின் பலன் முன்னேற்றமாகும்  

புறவிசைகூட புகுவழி முடுக்கம் கூடும் 

புறவிசை குறைய முடுக்கமும் குறையும்

ஊக்கம் மிகுந்தால்  ஆக்கம் பிறக்கும்

நோக்கம் மறந்தால் அழிவே நிலைக்கும்

நியூட்டனின் இரண்டாம்விதி சொல்வது 

அறிவியலா இல்லை அறிவுரையா? 

ஒருநிறைப் பொருட்களில் புறவிசையும் 

ஒன்றிய முடுக்கமும் நேர்விகிதத் தொடர்பில் 

வேற்றுநிறைப் பொருட்களில்  நிறையும்   

ஒருவிசைமுடுக்கமும் எதிர்விகிதத் தொடர்பில் 

கூடி வாழும்  சமுதாயத்தில்  மக்கள் நலனும் 

மனித நேயமும்  நேர்விகிதத் தொடர்பில் 

முயற்சியில்லா  செயல்கள்  முடிக்கப்படுவதில்லை

முடிக்கப்படாத  செயல்கள் பயன்தருவதில்லை.  

நல்வாய்ப்பு முயற்சிக்கு நேர்விகிதத்தொடர்பில்

இதுவே இவ்விதி கூறும் பொருளாகும்.

 

விதையொன்று விளைநிலத்தில் விதைத்தால் 

சுரையொன்று அங்கே முளைப்பதில்லை 

வினையென்று செயலொன்று புரிந்தால்  

விளைவின்றி காலம் கடப்பதில்லை

வினையிருந்தால் விளைவிருக்கும் 

விளைவிருந்தால் வினையிருக்கும் 

எறிந்த பந்து எம்பியே தீரும்

விழுந்ததும் எழுந்ததும் வினை எதிர்வினையாகும் 

நியூட்டனின் மூன்றாம் விதி சொல்வது 

அறிவியலா இல்லை அறிவுரையா?  

செய்க செய்க தன்வினைச் செயல்களை 

செய்யாது விடுக எதிர்வினைச் செயல்களை

முன்னதில் இல்லை தடையும் தடுமாற்றமும் 

பின்னதில் உண்டு எதிர்ப்பும் ஏமாற்றமும் 

வினைக்கும் எதிர்வினைக்கும் இணக்கம் வேண்டும்  

மட்டையை நோக்கி பந்தை வீசினால் 

அது ஒல்லும் வினையும் எதிர்வினையுமாகும்   

மனிதனை நோக்கி பந்தை  வீசினால் 

அது ஒவ்வா  வினையும் எதிர்வினையுமாகும் 

இதுவே இவ்விதி கூறும் பொருளாகும்

  

                                                             - முனைவர் .மெ.மெய்யப்பன்

                                                      இயற்பியல் பேராசிரியர் (ஓய்வு)

 

           Congratulations, your book “100 ஆண்டு காலம் மகிழ்ச்சியுடன் வாழும் வழி” is now              live and available for purchase in the Kindle Store - Amazon -ASIN: B0DPG6RCXL 

                               

       

  Theoretical Research on the nature of Elementary particles

The Radius of the elementary particles Both energy and matter are interchangeable. In pair production a particle and its antiparticle are solidified, depending upon the availability of energy. In the reverse process of total annihilation , a particle and its counterpart are exchanged into it equivalent energy. In such interchangeable reaction , the energy is usually in the form of electromagnetic radiation. Since the process of formation is same for all kind of particles, the density of condensed matter within the particle must be same. With this assumption the radius of elementary particles are determined and compared with that of the electron. ----------------------------------------------------------                                     particle mass radius                                                     (m electron = 1) (in terms of electron) ------------------------------------------------------------ muon 207 5.925 neutral pion 264 6.421 charged pion 273 6.485 charged kaon 966 9.885 neutral kaon 975 9.915 proton 1836 12.245 neutron 1838 12.250 lambda hyperon 2182 12.975 sigma hyperon 2340 13.276 xi hyperon 2582 13.720 ------------------------------------------------------- Dr.M.Meyyappan, Thavakkai Academy of Creative Thinking and Skill Development

Chemical Element Thavakkai Academy of Creative thinking and Skill Devel...

வாழ்க்கைக்கு வழிகாட்டும் வாக்கியங்கள்Thavakkai Academy of Creative Think...

வாழ்க்கைக்கு வழிகாட்டும் வாக்கியங்கள்-Thavakkai Academy of Creative Thin...

Thavakkai Academy of Creative thinking and Skill Development

Thavakkai Academy of Creative Thinking and Skill Development

Thavakkai Academy of Creative thinking and Skill Development

வாழ்க்கைக்கு வழிகாட்டும் வாக்கியங்கள் Thavakkai Academy of Creative Thin...

வாழ்க்கைக்கு வழிகாட்டும் வாக்கியங்கள்Thavakkai Academy of Creative Think...

வாழ்க்கைக்கு வழிகாட்டும் வாக்கியங்கள்-Thavakkai Academy of Creative Thin...

Thavakkai Academy of Creative thinking and skill development

வாழ்க்கைக்கு வழிகாட்டும் வாக்கியங்கள்Thavakkai Academy of Creative Think...

வாழ்க்கைக்கு வழிகாட்டும் வாக்கியங்கள்Thavakkai Academy of Creative Think...

வாழ்க்கைக்கு வழிகாட்டும் வாக்கியங்கள்Thavakkai Academy of Creative Think...

வாழ்க்கைக்கு வழிகாட்டும் வாக்கியங்கள்Thavakkai Academy of creative Think...

வாழ்க்கைக்கு வழிகாட்டும் வாக்கியங்கள்Yhavakkai Academy of Creative Think...

வாழ்க்கைக்கு வழிகாட்டும் வாக்கியங்கள்Thavakkai Academy of Creative Think...

வாழ்க்கைக்கு வழிகாட்டும் வாக்கியங்கள்-Thavakkai Academy of Creative Thin...

சமுதாய நலன் Thavakkai Academy of Creative Thinking and Skill Development

சமுதாய நலன்- Thavakkai Academy of Creative Thinking and Skill Development

வாழ்க்கைக்கு வழிகாட்டும் வாக்கியங்கள்-Thavakkai Academy of Creative Thin...

Chemical Elements- Thavakkai Academy of Creative Thinking and Skill Deve...

 நூறாண்டு காலம் வாழ்வது எப்படி ?  -2

எல்லாம் இறைவன் செயல் என்று யாரும்  கடமையாற்றாமல் சும்மாவே இரு என்று சொல்வதில்லை. சும்மா இருந்துவிட்டு வாழ்க்கையை முடித்துக்கொள்வதற்கு பிறக்காமலேயே இருப்பது இன்னும் மேலானது. நூற்றுக்கு நூறு சதவீதம் எதிர்காலத்தை முடிவு செய்யும் திறமை இருந்தால் கடவுள் என்ற நிழலுருவம் தேவையேயில்லை . கடவுளை வேண்டினால் செய்யும் செயலால் கிடைக்கும்   பயன் அதிகரிக்கும் வாய்ப்பு அதிகரிக்கும் என்ற நம்பிக்கைதான். உண்மையில் ஒருவருடைய எண்ணங்களே அவரை வழிநடத்திச் செல்கின்றது . மற்றவர்கள் தவறு செய்யலாம் அது அவர்களுடைய எண்ணங்களின் போக்கு ஆனால்  நீ தவறு செய்வதற்கு ஒருபோதும் காரணமாக இருந்துவிடக்கூடாது என்பதற்காகவே சொல்லப்பட்ட வாக்கியங்களே எல்லாம் இறைவன் செயல் . எல்லோரும் தங்களுடைய தேவையின் எல்லை என்ன என்பது தெரியாமலேயே அளவுக்கு மீறி சம்பாதிக்க விரும்பி செயல்படுகிறார்கள் இவர்களால் இவர்களுடைய வாரிசுகளும் தீயவொழுக்கங்களை பின்பற்றி ஒழுகும் பழக்கத்தை ஏற்றுக்கொண்டு விடுகின்றார்கள் . இவர்கள் தங்களுடைய வாரிசுகளுக்காகவும்  சம்பாத்தித்து சேர்த்துவைக்க நினைத்து வரம்பின்றி சம்பாத்தியம் செய்கின்றார்கள். வாரிசுகளுக்காகவும் இவர்களே சம்பாதித்து வைப்பதால் இவர்களுடைய வாரிசுகள் உழைப்பில் ஆர்வம் கொள்வதில்லை    .  இயல்பான நேர்மையான வழிமுறைகளில் முடியாத போது தவறான வழிமுறைகளில் மறைவொழுக்க நடவடிக்கைகளினால் செய்யும் பழக்கம் இன்றைக்கு ஏறக்குறைய அனைவரிடமும் தொற்றிக் கொண்டுவிட்டது .  அதிகம் சம்பாதிக்க அதிக இடத்தை ஆக்கிரமித்துக் கொள்கின்றார்கள். அதிக சுகபோகங்களை அனுபவித்து சமுதாயத்தின் நல்லொழுக்ககங்களை சீர்குலைக்கின்றார்கள். எதிர்காலத்தைப் பற்றிய  நம்பிக்கையின்மையின் வெளிப்பாடே இச்செயல் . அளவற்ற சம்பாத்தியம் என்று வாழ்க்கையின்  குறிக்கோளைத்  தவறாகக் கொள்ளும்போது மன நிறைவான மகிழ்ச்சி கிடைப்பதில்லை. கையிருப்பை அதிகரித்துக் கொள்ளும் விருப்பத்தால்  அவர்கள் யாருக்கும் உதவக்கூட மாட்டார்கள் . மனம் கெட்டு அதனால் உடலும் கெட்டு அவர்களுடைய வாழ்நாளை சுருக்கிக்கொள்ள அவர்களே ஒரு காரணமாகி விடுகின்றார்கள் .அது இயற்கையின் விதி என்றுகூடச் சொல்லலாம் , யார் மற்றவர்களுக்கு பயனற்று வாழ்கின்றார்களோ அவர்கள் உலகில் மேலும் வாழ்வதற்குத்  தகுதியற்றவர்கள் என்று இயற்கையே ஒரு முடிவு எடுத்து விடுகின்றது.

 

வாழ்க்கைக்கு வழிகாட்டும் வாக்கியங்கள்

நூறாண்டு காலம் தாண்டி வாழும் வழி

ஒரு மனிதனின் சராசரி வாழ்நாள் கொஞ்சம் கொஞ்சமாக அதிகரித்து இன்றைக்கு 60-70 ஆண்டுகளாக உயர்ந்திருக்கிறது .இதற்கு முதன்மைக் காரணம் நாம் கொள்ளை நோய்களை மட்டுப்படுத்துவதில் பெருமளவு வெற்றிகண்டதுதான். பெருகிவரும் நவீன மருத்துவ வசதியும் , உடல் நலம் மற்றும் சத்துணவு பற்றி மக்கள்கொண்டுள்ள அக்கறையும் ஆர்வமும் அதன் பின்விளைவுகளே . தவறான உணவுப் பழக்க வழக்ககங்கள் ,தாராளமாக அனுமதிக்கப்படும் மது ,புகை போன்ற உடல்நலத்தைப் பாதிக்கும் போதைப்பொருட்கள், இயல் வாழ்கைக்குப் பெரிதும் ஒவ்வாத இயற்கைக்கு மீறிய செயல்கள் போன்றவற்றால் வாழ்நாள்  சுருங்கிக் கொண்டே வருகின்றது.  உயர் ரத்த அழுத்தம், மாரடைப்பு .புற்றுநோய் போன்ற பாதிப்புக்களினால்  இந்த சுருக்கம் ஏற்படுகின்றது   

நூறாண்டு காலம் வாழ்வது எப்படி ?  -1

      உடல் நூறாண்டுகாலம் நலமோடு  வாழவேண்டுமென்றால் மனமும் நூறாண்டு காலம் நலமாக இருக்கவேண்டும் என்பதைப் பலர் மறந்துவிடுகிறார்கள் . ஒருவர் தன்னுடைய வாழ்க்கையில் உடலுக்குக் கொடுக்கும் முக்கியத்துவம் மனத்திற்குக் கொடுப்பதில்லை. மனதை எப்போதும் மகிழ்ச்சியாக வைத்திருப்பது 100 ஆண்டு காலம் வாழ்வதற்கு  இயற்கை கூறும் எளிய இரகசியம் . போதுமென்ற மனமே பொன் செய்யும் மருந்து என்று சான்றோர்கள் கூறுவார்கள் . தகுதிக்கு மீறிய அளவில் ஆசைப்படுபவர்கள் மட்டுமே கிடைத்தது போதும் என்று முழுத் திருப்தியடையாமல் தவறுகள் செய்ய முனைவர்கள். அதிக அளவில் உணவு உண்டால் எப்படி மறுக்கடியால் உடல் அவதிப்படுமோ அப்படி தகுதிக்கு மீறிய ஆசைகளினால் மனம் நலங்கெட்டு வாழ்க்கையும்  பாதிக்கப்படும். குறிப்பிட்ட தகுதியைப் பெற்ற பின்பு முயன்று பொருள் தேடுவது வேறு ,தகுதியில்லாமலேயே     பொருளைச் சம்பாதிக்க ஆசைப்படுவது வேறு. முன்னது மற்றவர்களுக்கு நல் வழிகாட்டியாக இருக்கும்  பின்னது காலப்போக்கில் எல்லோரையும் தீயவர்களாக்கி விடும். நம்மடைய தகுதி எது என்று சரியாகத் தெரியாவிட்டாலும் பரவாயில்லை . எல்லோரும் வெவ்வேறு தகுதியுடைவர்களாக இருக்கின்றார்கள் . அவரவர் தகுதிக்கு ஏற்ப ஒவ்வொருவருக்கும் கிடைப்பது கிடைத்துக்கொண்டே யிருக்கின்றது. கிடைத்ததற்காக மகிழ்ச்சிகொள்ளமால் கிடைக்காததற்காக வருத்தம் கொள்வது மனதை நாமே துன்புறுத்துவதற்கு ஒப்பான செயலாகும்.  எது கிடைத்ததோ அதுவே அவருடைய  தகுதிக்குக் கிடைத்தது என்று திருப்தி கொள்ளவேண்டும் . அந்தத் திருப்தி வலுப்பெற்றால் வாழ்நாள் 90 சதவீதம் உயரும்.

 

Practical Astronomy- Thavakkai Academy of Creative Thinking and Skill De...

Problem with Chess-board- Thavakkai Academy of Creative Thinking and Ski...

Chemical Elements- Thavakkai Academy of Creative Thinking and Skill Deve...

வாழ்க்கைக்கு வழிகாட்டும் வாக்கியங்கள்Thavakkai Academy of Creative Think...

வாழ்க்கைக்கு வழிகாட்டும் வாக்கியங்கள் Tavakkai Academy of Creative Think...

வாழ்க்கைக்கு வழிகாட்டும் வாக்கியங்கள்

மனிதநேயத்தை வளர்ப்பது அனைவருக்குமான கடமை

மக்களிடம்  அறியாமை மிகுந்திருக்கும் போதும் ,அரசாங்கம் அதைத் தடுப்பதற்கான உரிய நடவடிக்கைகளை உண்மையாக நடைமுறைப் படுத்த முயலாதபோதும்  சமூகஆர்வலர் களாலும் .பொது ஊடங்கங் களினாலும்  மக்களிடையே ஒரு விழிப்புணர்வு தூண்டப்பட வேண்டும். தங்களுக்கென்று ஒரு கொள்கை மாற்றானுக்கு வேறொரு கொள்கை என்ற நிலைப்பாட்டை, கொள்கையால் பதவியை ஏற்றுக் கொண்டவர்கள் விட்டுவிடவேண்டும்.   ஓருபாற்கோடாமை உணர்வு டன் பொதுஊடகங்கள் செயல்பட்டு  சமூகநீதியைப் பாதுகாக்க வேண்டும். அப்பொழுதுதான்  சமுதாயத்தில் ஏமாற்றப்படு வதும், ஏமாறுவதும் பெருமளவு குறையும். இதனால் மறைவொழுக்க நடவடிக்கைகளையும்,  கட்டுப்பாடின்றி பெருகிவரும்    ஊழல்களை யும்,தடுப்பதற்கான வாய்ப்பு ஏற்படுகின்றது. இது மக்களிடையே நல்லொழுக்கத்தை இயல்பாக நிலைப்படுத்துகிறது. சமுதாயம் தழுவிய இப்போக்கு  உண்மையான மனிதநேயம் மலர்வதற்கு அடிப்படைக் காரணமாகின்றது. மனிதநேயம் சாகாத சமுதாயத் திற்கு ஒரு வலுவான பாதுகாப்பாக இருக்கின்றது. மனிதநேயமின்றி ஒரு சமுதாயம் அதன் பரிணாம வளர்ச்சியில் மேன்மையடைய முடியாது என்பதை  எல்லோரும் புரிந்துகொள்ளும் போது மனிதன் மனிதனை  ஏமாற்றும் மனப்போக்கு வலுவிழந்து போகின்றது.

எல்லோரும் அவரவர் தேவையைப் பெற்று ஒருவருக்கொருவர் உதவிக்கொண்டு  மகிழ்ச்சியாக வாழவேண்டும் என்று எல்லோரையும் சமதகுதிகளுடன் தான் படைக்கப்பட்டார்கள் .தகுதியை வளரும் போது வளர்த்துக்கொள்ளத் தவறியவர்களே குறுக்கு வழியில் சம்பாதிக்க மனித நேயத்தைத் துறந்து தவறு செய்யத் தொடங்குகிறார்கள் .இவர்கள் செய்யும் தவறுகள் திருத்தப்படாவிட்டால் அல்லது தண்டிக்கப்படாவிட்டால்  மற்றவர்களுக்கு அது பின்பற்றி ஒழுகத் தகுந்த பாடமாக அமைந்துவிடும். 

வாழ்க்கைக்கு வழிகாட்டும் வாக்கியங்கள் Thavakkai Academy of Creative Thin...

Chemical Elements- Thavakkai Academy of Creative Thinking and Skill Deve...

 இதை வாங்கினால் 20 %எக்ஸ்ட்ரா , ஒன்றுக்கொன்று இலவசம் , 1000 க்கு மேல் பொருள் வாங்கினால் நிச்சியப்பரிசு , கிப்ட் வவுச்சர் . குலுக்கல் முறையில் 100 பேருக்கு 1 கோடி பரிசு, 70000 மதிப்புள்ள பொருட்கள் 40000 ரூபாய் . நகைகளுக்கு சேதாரம் செய்கூலி இல்லை, தள்ளுபடி 10 %  

என்ன அரசாங்கம் என்ன நிர்வாகம் . யாரும் ஒரு பொருளை அதன் உணமையான விலைக்கு விற்கமாட்டர்களா ?

அகத்தடை

 

அகத்தடை

  சுயநல எண்ணத்தையும் , செயல்பாடுகளையும்  இந்த ஒழுக்கமின்மை வளர்த்துவிடுகின்றது . ஒழுக்கமின்மை தற்காலிகமான இலாபங்களை மட்டுமே தரும் .அது நிரந்தரமானதில்லை. ஒரு சமுதாயத்தில் ஒரு சிலர் மட்டுமே தீய செயல்களைச் செய்வார்களேயானால் அங்கு  ஒழுக்கத்தின் அழுத்தத்தால் அவர்கள்  தண்டிக் கப்படுவதற்கான வாய்ப்பு   அதிகமாக இருக்கும் . ஆனால் மறைவொழுக்கத்தால் பெரும்பாலானோர் தீயவர்களாக மாறினால் , சீரழியும் சமுதாயம் திருத்தப் படுவதற்கான வாய்ப்பே  இல்லாமல் போகும். இதன் பரிணாம வளர்ச்சி ஒட்டு மொத்த சமுதாயத்தின் அழிவிற்கு காரணமாக அமையும் .

சுயநலம் என்ற எண்ணத்தை ஒழுக்கமின்மைமை வளர்த்துவிடுகின்றது. இதனால் ஒழுக்கமற்ற ஒவ்வொரு மனிதனும் சமுதாயத்தோடு சேர்ந்து  வாழ்ந்து வந்தாலும் .சமுதாயத்திற்கு இனமறிந்து கொள்ள முடியாத ஒரு எதிரியாகவே வாழ்கின்றார் .புற எதிரிகளை விட உள்ளெதிரிகளே மிகவும் ஆபத்தானவர்கள்.ஏனெனில் புற  எதிரியை இனமறிந்து கொள்வதைப்போல உள்ளெதிரிகளை  இனமறிந்து  தவிர்த்து முடிவதில்லை .சுயநலம் பொது நலச் சிந்தனைகளை வேரறுத்து விடுகின்றது.ஆனால் சமுதாயத்தோடு இணைந்து வாழும் ஒவ்வொரு மனிதனுக்கும்   பொதுநலச் சிந்தனைகள் என்பது சமுதாய இலக்கணம் என்பதால் சுயநலச் சிந்தனை களை துறந்து பொதுநலச் சிந்தனைகளை வெளிப் படுத்திக் காட்டவேண்டிய கட்டாயம் ஏற்படுகின்றது . சுயநலச் செயல்பாடுகளை மறைத்துவிட்டு  மற்றவர் களுக்காக பொதுநலத்தை  பேச்சு வழக்கில் மட்டும் மேற்கொள்ளும் பழக்கம்  மக்களிடையே  பரவி வருகின்றது .