வல்லவனிலும் வல்லவன்
கல் எட்டிய தொலைவைவிட
வில்விட்ட அம்பு எட்டும்
அம்பு கடந்த தொலவை விட
அலையாய் ஒலி கடக்கும்
ஒலி தொட்ட தொலைவை விட
உறுமும் தோட்டா தொடும்
தோட்டா முட்டிய தொலைவை விட
சுடுகணைக் குண்டு முட்டும்
எறிந்தகுண்டு தாண்டிய தொலைவை விட
ஏவிய ஏவுகணை தாண்டும்
ஏவுகணை முயன்ற தொலைவை விட
ஏவா ஒளிகூட முயலும்
ஒளியினும் விரைவாய்க் கடக்க
ஒன்றுள இவ்வுலகில்
பேரண்டத்தையே ஆள நினைக்கும்
பேராற்றல்மிக்க மனித மனத்தை
வெல்லும் அன்பு மட்டுமே
வற்றாத அன்பு எட்டாததொலைவில்லை
வளமான அன்பு
வல்லவனிலும் வல்லவன்
No comments:
Post a Comment