கவிதை
உனக்குள் ஒரு சமுதாயம்
நீ திருடினால் நானும் ஒருநாள் திருடனாவேன்
நான் திருடினால் நீயும் ஒருநாள் திருடனாவாய்
திருடினால் திருடப்படும்
கொள்ளையடித்தால் கொள்ளையடிக்கப்படும்
ஏமாற்றினால் ஏமாறப்படும்
பொய் பேசினால் பொய் பேசப்படும்
லஞ்சம் வாங்கினால் லஞ்சம் கொடுக்க வேண்டிவரும்
வஞ்சித்து வாழ்ந்தால் வஞ்சிக்கப்பட நேரிடும்
ஒருசிலர் திருடர் என்றால்
திருடர்கள் திருந்தி வாழ வழியுண்டு
ஊரே திருடர்கள் என்று சொன்னால்
மக்கள் வருந்திச் சாவர் துயர்கொண்டு
இதுதான் இயற்கை இதுதான் வாழ்க்கை
இதை எப்போது உணரப்போகின்றாய் மானுடனே
தப்பென்று பிறர் பயன்படுத்த மறுத்ததை
சட்டென்று நீ பயன்படுத்தத் துணிந்துவிட்டாய்
உனக்கிருக்கும் வாய்ப்பு ஊருக்கும் இருக்கு
ஏனோ நினைத்துப் பார்க்கத் தவறுகின்றாய்
சமுதாயத்தில் நீயொரு தனிமனிதன்தான்
ஆனால் உனக்குள் ஒரு சமுதாயம் இருக்கு
No comments:
Post a Comment