Friday, November 16, 2012

Kavithai


ஒளியும் இருளும்

இருப்பது ஒளியென்றால் இல்லாமை இருள்  
அறிவு ஒளியென்றால் அறியாமை இருள்                                     
வெண்மை ஒளியென்றால் கருமை இருள்                                                                    
பிறப்பு ஒளியென்றால் இறப்பு இருள்                                        
உறவு ஒளியென்றால் பிரிவு இருள்                                            
பொருள் ஒளியென்றால் வெறுமை இருள்                                                                                

ஒளி பாய்ந்தால் இருள் இல்லை                                             
இருள் படர்ந்தால் ஒளி இல்லை                                           
இரண்டும் இணைந்தே இருப்பதில்லை                                       
ஒன்றிருந்தால் மற்றொன்றில்லை                                                                                      ஒன்றுக்கொன்று பகையுமில்லை                                                                                        ஏனெனில் ஒளியும் இருளும் வேறில்லை

ஒளியின் உறக்கமே இருளானது                                           
அறிவின் மயக்கமே அறியாமையானது                                    
நிறத்தின் நீக்கமே கருமையானது                                         
பிறப்பின் முடிவே இறப்பானது                                                                                                                                                                       
உறவின் முறிவே பிரிவானது                                              
பொருளின் மறைவே வெறுமையானது

இருள் எங்கும் படர்ந்து இருப்பது.                                                                                         இதன் மூலம் ஒளியின்மையே                                              
அறியாமை இயல்பாய் இருப்பது                                        
இதன் மூலம் அறிவின்மையே                                          
ஒளி வர இருள் மறையும்                                                                                                                                                                                      
அறிவு வளர அறியாமை மங்கும்

No comments:

Post a Comment