இயற்கை மொழிகள்
மின்னிமின்னி மறையுது மின்னல் கீற்று
மிதமிஞ்சி மிரட்டிப் பார்க்குது இடியோசை
எதையோ சொல்ல நினைத்து எப்போதும்
இணைந்தே வருகுது இடியும் மின்னலும்
மின்னி மறையும் மின்னல் போல
மனித வாழ்கையும் காலத்தில் கரையுது
இனம் ஒன்றானாலும் எதிரி யானால்
இனிய வாழ்கையும் இடிந்து போகுது
அருவியில் கொட்டும் அளவில்லா வெள்ளம்
பாறையில் விழுந்து துளிகளாய்ச் சிதறுது
எதையோ சொல்ல நினைத்து தினமும்
எச்சரித்து தற்கொலை செய்து கொள்கிறது
உயிர்கள் மடிந்து மண்ணில் வீழ்ந்தால்
உயிரும் உடலும் இல்லாமற் போவதில்லை
சிதறும் துளிகள் போல் சிற்றுயிராய்
உயிர்த்தெழுவாய் என்று சொல்லத்தானோ
No comments:
Post a Comment