வேலையின்றி விளையாட்டு வேண்டாமே
முத்து முத்தாய் வியர்வைத் துளிகள்
கொத்துக் கொத்தாய் நிலத்தில் விழ
உடன் செய்ய வேலை இல்லாமலில்லை
உடல் சோர்ந்து போகவில்லை இருந்தும்
உழைப்பின்றி ஓய்வு தேடும் உள்ளங்கள்
உயர்ந்து வரும் பொல்லாத காலமிது
ஒருலட்சம் பேர் ஒன்றுகூடிப் பார்க்க
ஒன்பது கோடி சின்னத் திரையில் நோக்க
ஒவ்வொரு மைதானாமாய் கிரிக்கெட் போட்டிகள்
உலகைச் சுற்றி ஊர்வலமாய் ஒவ்வொருநாளும்
எழுபத்தியிரண்டு கோடியே எட்டு லட்சம் மணித்துளிகள்
எவருக்கும் பயனின்றி பாழாய்ப்போனதே
மனிதஉழைப்பு மட்டுமா இல்லாமற் போனது
மின்சாரமும் பயனுக்கின்றி அங்கே வீணானது
ஆக்கத்தில் முதலீடின்றி ஆற்றலை இழப்பது
எதிர்காலத்தை இருளில் அல்லவா மூழ்கடிக்கும்
விளையாட்டின்றி வேலை இருக்கலாம்
வேலையின்றி விளையாட்டிருக்கலாமோ
இழந்த செல்வதை மீட்டுப் பெறலாம்
இறந்த உயிரைக்கூட மீண்டும் பெறலாம்
இறந்த காலம் யாருக்கும் கிடைப்பதில்லை
இறைவனேயானாலும் அவருக்கும் விலக்கில்லை
காலம் பொன்னானது பொன்னைவிட மேலானது
காலம் தவறி உணர்வதை விடவே மாட்டோமா
No comments:
Post a Comment