முன்னேற்றத்தின் முடிவில் நீ
கடந்து கடந்த பாதை
கடியதோ இல்லை நெடியதோ
கடந்து முடிந்ததை மீண்டும்
கடக்க யாரும் நினைப்பதில்லை
கடந்து வந்த பாதையை
நினைத்து இனி ஆவதொன்றுமில்லை
கடக்க வேண்டிய பாதையை
நினைக்காவிட்டால் முன்னேற வழியில்லை
அரும்பு மலர்ந்து பூவாகும் ஆனால்
பூத்தபூ மீண்டும் அரும்பாவதில்லை
காய் கனிந்து பழமாகும் ஆனால்
பழுத்தபழம் மீண்டும் காயாவதில்லை
முட்டை பொரிந்து குஞ்சாகும் ஆனால்
கோழிக்குஞ்சு மீண்டும் முட்டையாவதில்லை
தீக்குச்சி உரசி எரியும் ஆனால்
தீய்ந்த குச்சி மீண்டும் எரிவதில்லை
அரிசி அரைந்து மாவாகும் ஆனால்
மாவு மீண்டும் அரிசியாவதில்லை
பரிணாம வளர்ச்சியில் நிலைமாறும் ஆனால்
பழையதாய் மீண்டும் மாறுவதில்லை
ஒருமுடிவில்லாத பாதைப் பயணம்
ஊருக்கு அழைத்துச் செல்வதில்லை
முடியும் நம்பிக்கையில் வாழ்ந்தால்
எதையும் வெல்லாமல் தோற்றதில்லை
செல்லும் வழியெல்லாம் கல்லும்முள்ளும்
வேகத்தடை இல்லாத பாதையில்லை
விவேகம் இருந்தால் போதும்
விண்ணையும் தாண்டாமல் விடுவதில்லை
கடந்த பாதை அனுபவம் உனக்கு
கற்க வேண்டிய பாடம் பிறர்க்கு
கடக்க வேண்டிய பாதை சாதனை
கடக்காவிட்டால் எந்நாளும் வேதனை
முடித்து விட்டு ஒருநாள் திரும்பிப்பார்
முன்னேற்றத்தின் முடிவில் நீ
நீதான் நீயேதான்
No comments:
Post a Comment